Арайлы алтын күз! ертеңгілік

13.10.2026

«Арайлы алтын күз» атты ертеңгілік өтті

Кеңес ауылының жалпы орта білім беретін мектебінің жанындағы шағын орталығында «Арайлы алтын күз» тақырыбында мерекелік ертеңгілік ұйымдастырылды.

Мерекенің мақсаты – балаларға күз мезгілінің ерекшеліктерін таныстыру, табиғаттың әсемдігін сезінуге баулу, шығармашылық қабілеттерін дамыту және қоршаған ортаға деген сүйіспеншілігін арттыру.

Ертеңгілік барысында бүлдіршіндер күз туралы тақпақтар айтып, ән шырқап, би билеп, қызықты ойындарға қатысты. Балалар өз өнерлерін ортаға салып, мерекеге ерекше сән берді. Алтын күздің молшылығы мен әсемдігін бейнелейтін мерекелік көріністер бүлдіршіндерге көтеріңкі көңіл күй сыйлады.

Мерекелік іс-шара қызықты әрі әсерлі өтіп, балалардың бойында табиғатқа деген қамқорлық пен сүйіспеншілікті қалыптастыруға ықпал етті. «Арайлы алтын күз» ертеңгілігі бүлдіршіндерге қуаныш сыйлап, жарқын сәттерге толы болды.